Franska aldan á leiðinni 16. febrúar 2007 09:15 kynningarfundur franskt vor á Íslandi Efnt var til fundar í Ráðherrabústaðnum í gær þar sem franska menningarveislan Pourquoi pas? var kynnt. Sú þrettán vikna franska veisla hefst í næstu viku og eiga landsmenn á góðu von; hingað munu streyma listamenn, fræðimenn og aðrir andans menn til að gleðja og fræða um flest það sem franskt er, hvort sem það tengist menningu, matargerð, trúisma eða viðskiptum. Þorgerður Katrín Gunnarsdóttir menntamálaráðherra og franski sendiherrann Nicole Michelangeli kynntu aðdraganda og dagskrá þessa umfangsmikla verkefnis, sem er hið fyrsta af sínu tagi. Menntamálaráðuneytið hefur unnið að undirbúningi hátíðarinnar fyrir hönd Íslands en hún er skipulögð að frumkvæði Frakka. Sendiráð Frakklands og CulturesFrance, stofnun sem rekin er af franska utanríkis- og menningarmálaráðuneytinu, hafa unnið að skipulagningu hátíðarinnar mánuðum saman en hún er einnig skipulögð í kringum fleiri aðra íslenska menningarviðburði og rammar til að mynda inn Vetrarhátíð og Listahátíð í Reykjavík. Menntamálaráðherra lét þess getið að það væri meðal annars hlutverk stjórnvalda að hvetja til samskipta og kynna erlenda menningu en þetta er í fyrsta sinn sem íslenska ríkið býður annarri þjóð að kynna menningu sína, listir, viðskipti og vísindi með þessum hætti. Nicole Michelangeli rak hugmyndina að baki Pourquoi pas? til íslensku menningarkynningarinnar sem skipulögð var í París fyrir nokkrum árum en hún þótti lukkast með afbrigðum vel. Þegar Nicole tók við embætti sendiherra var hún staðráðin í að skipuleggja sambærilega franska menningarkynningu hér á landi sem nú er að verða að veruleika. Hún viðurkenndi þó að sig hefði ekki órað fyrir því að umsvif þessarar hátíðar ættu eftir að verða sem raun ber vitni enda er verkefnið af einstakri stærðargráðu. Nicole lagði enn fremur áherslu á að mikilvægt væri að rækta vináttusamband þjóðanna tveggja sem ættu margt sameiginlegt - ekki síst stolt sitt af tungumáli sínu, menningu og sögu. Dagskráin er raunar hafin því forskot var tekið á sæluna með opnun sýningarinnar Frelsun litarins í Listasafni Íslands í desember. Þar má nú sjá verk eftir fræga franska meistara expressjónismans, svo sem Renoir og Matisse, en vakin skal athygli á því að sýningunni lýkur annan sunnudag. Annað lítið forskot verður einnig tekið á morgun eins og fréttin hér til hliðar ber með sér. Formleg opnunarhátíð Pourquoi pas? helst í hendur við opnun Vetrarhátíðar í Reykjavík næstkomandi fimmtudag þegar leikið verður á sannkallað eldorgel á Austurvelli en þar verður franski ofurhuginn Michel Moglia á ferð. Síðan verður boðið upp á kynningar, kvikmyndir, leiklist, dans og tónlist fyrir allra hæfi, fjörið verður að finna um allt land og taka flestar menningar- og listastofnarnir höfuðborgarsvæðisins virkan þátt í hátíðarhöldunum. Hver viðburðurinn rekur annan uns Listahátíð í Reykjavík hefst með glæsilegri innkomu franska götuleikhússins Royal de Luxe sem rekur einmitt smiðshöggið á franska vorið hinn 10. maí. En þá verður vonandi komið íslenskt vor líka. Nánari upplýsingar um dagskrá Pourquoi pas? er að finna á síðunni www.fransktvor.is. Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Efnt var til fundar í Ráðherrabústaðnum í gær þar sem franska menningarveislan Pourquoi pas? var kynnt. Sú þrettán vikna franska veisla hefst í næstu viku og eiga landsmenn á góðu von; hingað munu streyma listamenn, fræðimenn og aðrir andans menn til að gleðja og fræða um flest það sem franskt er, hvort sem það tengist menningu, matargerð, trúisma eða viðskiptum. Þorgerður Katrín Gunnarsdóttir menntamálaráðherra og franski sendiherrann Nicole Michelangeli kynntu aðdraganda og dagskrá þessa umfangsmikla verkefnis, sem er hið fyrsta af sínu tagi. Menntamálaráðuneytið hefur unnið að undirbúningi hátíðarinnar fyrir hönd Íslands en hún er skipulögð að frumkvæði Frakka. Sendiráð Frakklands og CulturesFrance, stofnun sem rekin er af franska utanríkis- og menningarmálaráðuneytinu, hafa unnið að skipulagningu hátíðarinnar mánuðum saman en hún er einnig skipulögð í kringum fleiri aðra íslenska menningarviðburði og rammar til að mynda inn Vetrarhátíð og Listahátíð í Reykjavík. Menntamálaráðherra lét þess getið að það væri meðal annars hlutverk stjórnvalda að hvetja til samskipta og kynna erlenda menningu en þetta er í fyrsta sinn sem íslenska ríkið býður annarri þjóð að kynna menningu sína, listir, viðskipti og vísindi með þessum hætti. Nicole Michelangeli rak hugmyndina að baki Pourquoi pas? til íslensku menningarkynningarinnar sem skipulögð var í París fyrir nokkrum árum en hún þótti lukkast með afbrigðum vel. Þegar Nicole tók við embætti sendiherra var hún staðráðin í að skipuleggja sambærilega franska menningarkynningu hér á landi sem nú er að verða að veruleika. Hún viðurkenndi þó að sig hefði ekki órað fyrir því að umsvif þessarar hátíðar ættu eftir að verða sem raun ber vitni enda er verkefnið af einstakri stærðargráðu. Nicole lagði enn fremur áherslu á að mikilvægt væri að rækta vináttusamband þjóðanna tveggja sem ættu margt sameiginlegt - ekki síst stolt sitt af tungumáli sínu, menningu og sögu. Dagskráin er raunar hafin því forskot var tekið á sæluna með opnun sýningarinnar Frelsun litarins í Listasafni Íslands í desember. Þar má nú sjá verk eftir fræga franska meistara expressjónismans, svo sem Renoir og Matisse, en vakin skal athygli á því að sýningunni lýkur annan sunnudag. Annað lítið forskot verður einnig tekið á morgun eins og fréttin hér til hliðar ber með sér. Formleg opnunarhátíð Pourquoi pas? helst í hendur við opnun Vetrarhátíðar í Reykjavík næstkomandi fimmtudag þegar leikið verður á sannkallað eldorgel á Austurvelli en þar verður franski ofurhuginn Michel Moglia á ferð. Síðan verður boðið upp á kynningar, kvikmyndir, leiklist, dans og tónlist fyrir allra hæfi, fjörið verður að finna um allt land og taka flestar menningar- og listastofnarnir höfuðborgarsvæðisins virkan þátt í hátíðarhöldunum. Hver viðburðurinn rekur annan uns Listahátíð í Reykjavík hefst með glæsilegri innkomu franska götuleikhússins Royal de Luxe sem rekur einmitt smiðshöggið á franska vorið hinn 10. maí. En þá verður vonandi komið íslenskt vor líka. Nánari upplýsingar um dagskrá Pourquoi pas? er að finna á síðunni www.fransktvor.is.
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira