Innrásin í ísland 11. ágúst 2005 00:01 Undanfarnar vikur hafa menn innan fjármálageirans haft orð á því að mikið vanti upp á að erlendir fjárfestar hafi viðlíka áhuga á Íslandi og íslenskir kollegar þeirra á tækifærum utan landsteinana. Þótt peningamennirnir láti ekki á sér kræla hafa ýmsir aðrir úti í heimi áhuga á landinu og erlent fjármagn streymir hingað inn með ferðamönnum sem láta sterka stöðu krónunnar hafa furðu lítil áhrif á sig. Þó var matur og drykkur nógu fáránlega dýr í augum gesta okkar áður en krónan fór að hnykla vöðvana. Í fyrra var slegið eftirminnilega met í fjölda erlendra gesta til Íslands en þá voru þeir 363 þúsund talsins sem er hvorki meira né minna en 42 þúsundum fleiri en á fyrra metári. Fyrstu fimm mánuði þessa árs komu hingað örlítið færri en á sama tíma 2004 en allt bendir til þess að straumurinn hafi þyngst aftur undanfarna mánuði. Farþegum um Flugstöð Leifs Eiríkssonar fjölgaði í júlí miðað við sama tíma í fyrra, gistinóttum útlendinga á hótelum hefur heldur fjölgað í sumar, uppgrip eru hjá bílaleigum og aldrei hafa fleiri skemmtiferðaskip haft viðkomu á Íslandi og í ár. Allt bendir því til þess að tala útlendinga sem hingað koma verði annað árið í röð vel hærri en íbúafjöldi landsins. Ekki er víst að allir átti sig á hversu glæsilegur árangur þetta er hjá íslenskum ferðaþjónustufyrirtækjum. Í því sambandi er nærtækast að taka til samanburðar að ekkert Norðurlandanna dregur að sér viðlíkan fjölda miðað við íbúa. Þar er gestafjöldinn yfirleitt í kringum helmingur af íbúum landanna. Þetta er ekkert smámál fyrir þjóðarbúið því fyrir utan fiskinn eru erlendu ferðamennirnir mikilvægasta tekjulind þjóðarinnar. Ferðamennskan vigtar sem sagt þyngra en stóriðjan samanlögð. Sá samanburður er fyllilega réttmætur því í deilunum í aðdraganda Kárahnjúkavirkjunar var því sjónarmiði haldið á lofti að svo umfangmikil vatnsaflsvirkjun með tilheyrandi gríðarstóru uppistöðulóni og umhverfisspjöllum, gæti sett íslenskan ferðaiðnað í stórhættu. Sú hefur þó ekki orðið raunin. Ekki enn. Áhyggjurnar eru engu síður fullgildar því kannanir Ferðamálaráðs Íslands hafa ítrekað sýnt fram á að yfir 80 prósent útlendinga koma hingað til að njóta stórbrotins landslags og óspilltrar náttúru. Ef gengið er meira á hana getur staðan verið fljót að breytast og þá eru miklir hagsmunir í húfi. Viltu birta grein á Vísi? Sendu okkur póst. Senda grein Fastir pennar Jón Kaldal Mest lesið Sleppum brúnni og förum betri leið framhjá Selfossi Elliði Vignisson Skoðun Spilling á Íslandi: Erum við að missa tökin? Ágústa Árnadóttir Skoðun Halldór 5.10.2024 Jón Þór Stefánsson Halldór Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Af ofurhetjum og störfum þeirra Kristín Björnsdóttir Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Eignafólk græðir mikið á vaxtastefnu Seðlabankans Stefán Ólafsson Skoðun Uppeldi frá gamla einmenningar eins-skin-litar viðhorfum Matthildur Björnsdóttir Skoðun Er vitlaust gefið í stjórnmálum? Reynir Böðvarsson Skoðun Foreldrar eru sérfræðingar í sínum börnum Valdimar Víðisson Skoðun
Undanfarnar vikur hafa menn innan fjármálageirans haft orð á því að mikið vanti upp á að erlendir fjárfestar hafi viðlíka áhuga á Íslandi og íslenskir kollegar þeirra á tækifærum utan landsteinana. Þótt peningamennirnir láti ekki á sér kræla hafa ýmsir aðrir úti í heimi áhuga á landinu og erlent fjármagn streymir hingað inn með ferðamönnum sem láta sterka stöðu krónunnar hafa furðu lítil áhrif á sig. Þó var matur og drykkur nógu fáránlega dýr í augum gesta okkar áður en krónan fór að hnykla vöðvana. Í fyrra var slegið eftirminnilega met í fjölda erlendra gesta til Íslands en þá voru þeir 363 þúsund talsins sem er hvorki meira né minna en 42 þúsundum fleiri en á fyrra metári. Fyrstu fimm mánuði þessa árs komu hingað örlítið færri en á sama tíma 2004 en allt bendir til þess að straumurinn hafi þyngst aftur undanfarna mánuði. Farþegum um Flugstöð Leifs Eiríkssonar fjölgaði í júlí miðað við sama tíma í fyrra, gistinóttum útlendinga á hótelum hefur heldur fjölgað í sumar, uppgrip eru hjá bílaleigum og aldrei hafa fleiri skemmtiferðaskip haft viðkomu á Íslandi og í ár. Allt bendir því til þess að tala útlendinga sem hingað koma verði annað árið í röð vel hærri en íbúafjöldi landsins. Ekki er víst að allir átti sig á hversu glæsilegur árangur þetta er hjá íslenskum ferðaþjónustufyrirtækjum. Í því sambandi er nærtækast að taka til samanburðar að ekkert Norðurlandanna dregur að sér viðlíkan fjölda miðað við íbúa. Þar er gestafjöldinn yfirleitt í kringum helmingur af íbúum landanna. Þetta er ekkert smámál fyrir þjóðarbúið því fyrir utan fiskinn eru erlendu ferðamennirnir mikilvægasta tekjulind þjóðarinnar. Ferðamennskan vigtar sem sagt þyngra en stóriðjan samanlögð. Sá samanburður er fyllilega réttmætur því í deilunum í aðdraganda Kárahnjúkavirkjunar var því sjónarmiði haldið á lofti að svo umfangmikil vatnsaflsvirkjun með tilheyrandi gríðarstóru uppistöðulóni og umhverfisspjöllum, gæti sett íslenskan ferðaiðnað í stórhættu. Sú hefur þó ekki orðið raunin. Ekki enn. Áhyggjurnar eru engu síður fullgildar því kannanir Ferðamálaráðs Íslands hafa ítrekað sýnt fram á að yfir 80 prósent útlendinga koma hingað til að njóta stórbrotins landslags og óspilltrar náttúru. Ef gengið er meira á hana getur staðan verið fljót að breytast og þá eru miklir hagsmunir í húfi.
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun