Carlton Cole ætlar að standa sig

Carlton Cole, sem verið hefur í láni hjá Charlton Athletic og Aston Villa síðustu tvö tímabil í ensku knattspyrnunni frá Chelsea, er viss um að geta staðið sig vel hjá Chelsea, en hann verður í leikmannahópi félagsins á næstu leiktíð. "Ég er þakklátur fyrir að fá tækifæri til þess að sýna hvað í mér býr. Það eru margir góðir leikmenn í framlínunni, eins og Hernan Crespo, Eiður Smári Guðjohnsen og Didier Drogba. En vonandi get ég lagt mitt af mörkum til þess að félagið verði aftur enskur meistari."