Börsungar töpuðu ó­vænt á heima­velli

Barcelona hefur nú spilað þrjá leiki í röð í deildinni án þess að vinna og hafa um leið hleypt Real Madrid aftur inn í titilbaráttuna.

Eftir frábæra byrjun og ellefu sigra í fyrstu tólf leikjunum virðast hveitibrauðsdagarnir vera á enda há Hansi Flick.

Börsungar hafa aðeins náði í eitt stig út úr síðustu þremur leikjum en þeir töpuðu líka fyrir Real Socicedad.

Lamine Yamal er kominn til baka eftir meiðsli en hann kom inn á sem varamaður í hálfleik þegar staðan var 0-0. Honum tókst þó ekki að hafa bein áhrif á leikinn.

Sandro Ramirez kom Las Palmas í 1-0 á 49. mínútu en Raphinha jafnaði metin á 61. mínútu eftir stoðsendingu frá Pedri.

Aðeins sex mínútum síðar var Fabio Silva búinn að koma Las Palmas aftur yfir. Það reyndist vera sigurmarkið í leiknum.

Las Palmas var í sautjánda sætinu fyrir leikinn en hoppaði upp í fjórtán sæti með þessum úrslitum. Liðið frá Kanaríeyjum er vaxandi og hefur nú unnið fjóra af síðustu fimm leikjum eftir haga ekki náð að vinna í fyrstu tíu leikjunum sínum á leiktíðinni.